Despois da preocupante situación vivida ontes en Neda coa subida nivel da auga nos ríos Belelle e Basteiro, que chegaron a desbordar na zona das Augas, as imaxes que podemos ver hoxe son moito máis optimistas.

A tregua que estan a dar as choivas permitiron a evacuación da auga deixando esta mañá unha  evidente baixada do nivel, mesmo o retorno os cauces habituais

SITUACION MARTES 17, ÁS 12:00

Pese a todo, se reitera a petición de precaución, emitida ontes polo Concello solicitando extrema-las precaucións, evitar desprazamentos innecesarios e alonxarse das pontes e marxes dos ríos ata que o caudal recupere a normalidade.

OTRAS ZONAS E CONCELLOS VECIÑOS

No día de onte repórtanse outros incidentes en vários ríos doutros concellos da nosa comarca como Fene, Narón, Valdoviño, San Sadurniño e Cedeira. Na meirande parte dos casos, e como acontece enm Neda, se vai recuperando a normalidade pouco a pouco.

Un dos puntos máis afectados foi o río Xubia ao seu paso por San Sadurniño, onde o desbordamento obrigou a cortar o acceso á depuradora municipal entre Cornide e A Portela. Recomendouse circular con precaución nas zonas próximas ao río, especialmente en Ferreira, Lamas e no polígono da Bidueda, onde a auga cubriu tramos da estrada e dunha pista municipal.

A crecida tamén afectou lugares habituais nestas situacións, como o Muíño do Pepe, unha vivenda en Casal, o paseo fluvial, o arboreto e a Fraga Máxica da Cortiña.

O temporal tamén deixou incidencias noutros puntos. O río Castro, en Naraío, desbordouse sen causar problemas graves no tráfico, mentres que un regato en Bardaos cubriu parcialmente a pista entre Sanguiñeira e a igrexa parroquial.