A Xunta, a través de Augas de Galicia, vai facer control e seguimento das instalacións de depuración de augas residuais urbanas das aglomeracións de máis de 2.000 habitantes equivalentes, como Neda. Isto faise pola obriga da directiva marco da auga que exixe a supervisión das depuradoras deste tipo de núcleos.

O servizo, que foi adxudicado en xaneiro a unha empresa privada, custará 3,4 millóns de euros. A tarefa será supervisar, vixiar e inspeccionaras infraestruturas hidráulicas competencia das entidades locais para así garantir ó servizo á cidadanía. Cun prazo de execución dos traballos de 24 meses, o contrato abrangue as labouras necesarias para asesorar ós concellos na xestión das estacións depuradoras de augas residuais (EDAR) da súa titularidade: un total de 127 no conxunto de Galicia.

A adxudicataria tamén ofrecerá o control necesario para asegurar o cumprimento da normativa vixente en materia de depuración e tratamento de auga coa realización das analíticas necesarias e a elaboración de informes periódicos sobre o seu estado e conservación.

A competencia é da Xunta

Unha vez máis queda evidenciada a competencia directa da Xunta e Augas de Galicia na xestión de depuradoras como a de Neda e das súas  obrigas de prestar apoio técnico e económico para que os gobernos dos concellos poidan exercer as súas competencias en materia de xestión da auga de xeito eficiente cara á veciñanza.

A Xunta ten cartos, canto vai investir en Neda e cando?

Os orzamentos de Augas de Galicia para este ano 2026, suman 151,7 millóns de euros. O 70% deses cartos (108,7 millóns de euros) se destinarán a abastecemento e saneamento e  un 73,6 millóns de euros especificamente a investimentos para mellorar ou construír infraestruturas hidráulicas.