Convocatoria de Comisións de Área para a vindeira semana
Visitas: 15
A vosa concelleira Neiva Tristão xa esta a ser convocada a unha nova rolda de Comisións Informativas de Área.
Polo de agora as que xa está fixadas son:
- Luns 18, as 10 horas, Comision Informativa de Cultura e Turismo
- Luns 18, as 11 horas, Comision Informativa de Urbanismo, Medio Ambente e Xuventude
- Luns 18, as 11:30 horas, Comision Informativa de Asuntos do Pleno
- Martes 19, 12:00 horas Comision Informativa de Economía e Facenda
A COMISIÓN QUE MAIS AGARDAMOS, NON SE CONVOCA
Lamentablemente, a Comisión Informativa que máis nos interesa e a Servicios, do Concelleiro Ángel Cordero. Agardamos que este mes non se salte as súas obrigas como xa fixo o mes pasado, que non a convocou. Este goberno municipal incumpre os seus propios acordos aprobados en Pleno. É unha vergoña.
QUE É UNHA COMISIÓN INFORMATIVA DE ÁREA E PARA QUE SERVE?
É unha reunión de traballo onde os concelleiros e concelleiras, tanto do goberno como da oposición, se xuntan para estudar e debater os asuntos antes de que cheguen ao Pleno (a votación oficial).
- Preparar os temas que logo se votarán no Pleno: os asuntos analízanse aquí primeiro, con máis calma e detalle.
- Informarse e preguntar: os membros da oposición poden pedir explicacións, documentación e facer preguntas sobre cada asunto.
- Emitir un ditame (unha opinión ou recomendación) sobre cada punto, aínda que a decisión final sempre a toma o Pleno.
- Garantir a transparencia: obriga ao goberno local a explicar o que pretende facer antes de votalo.
- Control democrático da acción de goberno: preguntando polo traballo de cada concelleiro e propoñendo accións
ALGO IMPORTANTE PARA OS VECIÑOS
Estas comisións poden ser públicas (pódese asistir como espectador) e son un espazo clave onde a oposición pode fiscalizar e controlar ao goberno municipal. Se o goberno nos as convoca, ou as convoca tarde ou sen información suficiente, está dificultando o control democrático.
QUE A TÚA VOZ SE ESCOITE NO CONCELLO
Dende MOVENEDA queremos que o Concello de Neda sexa de todos e todas, non só de quen goberna.
Por iso che pedimos que nos fagas chegar as túas dúbidas, preguntas, queixas ou suxestións sobre calquera asunto municipal a través de calquera das nosas canlles: email, whatsapp ou o formulario de contacto desta páxina.
Nós encargarémonos de trasladalas aos concelleiros e concelleiras, de que queden rexistradas e de que o goberno local teña que dar resposta.
Porque iso é precisamente o que significa democracia local: que os veciños e veciñas non sexan simples espectadores, senón parte activa do que pasa no seu municipio.
Neda, lamentablemente, carece de Regulamento de Participación Cidadá, o instrumento que debería garantir canles formais e estables para que a veciñanza poida intervir na vida municipal. A súa ausencia non é unha casualidade nin un esquecemento: é unha forma de gobernar. Alvariño goberna de costas e contra á xente. Mentres ese regulamento non exista, MOVENEDA quere ser esa ponte entre o veciñal e o institucional.
Non agardes a que os problemas se resolvan sos. Fainos chegar o que che preocupa, o que non funciona, o que non entendes ou o que cres que se podería mellorar. A túa pregunta pode ser a de moitos. E merece unha resposta.
Escríbenos. Estamos aquí para iso.
Etiquetas:
 |
Movemento Veciñal de Neda - Moveneda Contacto
Termos de uso, privacidade e cookies |