Recibimos notificación de convocatoria de Pleno Ordinario para o vindeiro luns día 3 de agosto, na Casa do Concello, as 12:00 horas (12:00 h.)

A orde do día de asuntos a debater é:

• Aprobación, se procede, da acta da sesión anterior, ordinaria celebrada o día 25/05/2026.
• Dación de conta dos decretos da alcaldía do 13/2026 ao 22/2026.
• Aprobación da modificación do proxecto “Pavimentación do camiño de Pontegrande” incluído no Plan provincial de cooperación ás obras e servizos de competencia municipal (Plan único de concellos) “POS+ 2026”.
• Incorporación da parcela adquirida no Puntal de Abaixo n.º 24, xunto coa edificación denominada “Nave do Puntal” (referencias catastrais 15056A007003500001JL e 15056A007003500000HK) ao inventario municipal de bens e dereitos.
• Establecemento de dous días festivos de carácter local para o ano 2027
• Aprobación da “Política do sistema interno de información e garantías de protección das persoas informantes” e do “Procedemento de xestión e investigación do sistema interno de información (canle de denuncias)”.
• Recurso de reposición de Adrián Rico Martínez contra o acordo plenario de 30/03/2026 relativo á aprobación da normativa de uso das redes sociais.
• Aprobación do orzamento xeral do concello para o exercicio 2026.
• Recoñecemento de obrigas procedentes de exercicios anteriores con cargo ao orzamento do ano 2026 (Expediente de recoñecemento extraxudicial de créditos de aprobación plenaria).
• Dación de conta da corrección de erro material en relación co acordo plenario de 25/05/2026 - Recoñecemento de obrigas procedentes de exercicios anteriores con cargo ao orzamento actual (Expediente de recoñecemento extraxudicial de créditos), financiado con suplemento de crédito e crédito extraordinario, financiados con cargo ao RLTGX.
  Rogos e preguntas.

ASISTENCIA DOS VECIÑOS ÓS PLENOS

Como sempre, a sesión é publica e, polo tanto, aberta á veciñanza. Como xa é habitual en MOVENEDA, convidamos a toda a veciñanza a asistir e exercer o seu dereito a participacion democratica na vida publica e politica do noso concello.

ALVARIÑO NON QUERE TESTIGOS DO QUE ACONTECE NOS PLENOS

Lamentablemente o goberno de Alvariño non cree na participación democrática dos veciños nos asuntos públicos e, xa dende a súa primeira lexislatura, moveu os plenos a un horario que non permite que os veciños poidan achegarse e participar.

Dende MOVENEDA reclamamos que os plenos se celebren polas tardes despois das 19:30 horas como fan en outros concellos da contorna