En 2023 o alcalde Alvariño licitou por só 145,20 euros a xestión da Área Recreativa da Cobeluda. Todo foi axustado á legalidade, pero nos pareceu un proceso con moitas sombras, pouca ou nula publicidade e malas explicacións. 

E así informamos ós veciños, discutímolo no Concello de Neda e presentamos propostas. Tamén denunciamos publicamente un caso que nos pareceu un exemplo máis das formas pouco transparentes coas que Alvariño rexe o Concello de Neda.

Podes leer máis neste enlace: O servizo de bar na Área da Cobeluda, unha concesión pouco transparente

2024: O alcalde di unha cousa e logo fai a contraria

Para 2024 Alvariño afirmou no pleno que se ía licitar en tempo e forma. Houbo una licitación pero o chiringuito da Cobeluda non abríu.

Máis info eiquí, na nosa publicación nese momento: Chapuzadas na licitación da concesion do chiringuito da Área da Cobeluda.

A palabra do alcalde vale cero: di unha cousa e logo fai a contraria

En 2025, moito peor: xa nin move un dedo

En 2025, Alvariño volveu asegurar no pleno que se ía licitar. Este ano xa nin fixeron o paripé: nin informaron, nin publicaron licitación: no fixeron absolutamente nada.

A Cobeluda volve a estar pechada e deteriorándose.

Dende Moveneda non atopamos explicación para que, unha das áreas con máis atractivo para veciños e visitantes, bote pechada dous anos seguidos e se deixe deteriorar.

A nova excusa: o socorrista

Dende MOVENEDA o temos claro: Se o problema é o servizo de socorrista, copiemos como fan outros concellos que sí poñen ese servizo nas súas praias e piscinas.

Se os problemas son outros, que o alcalde chame a oposición e as Asociacións de Veciños e busquemos solucións entre todos.

Os veciños andamos cansos de escoitar as constantes excusas do alcalde para non facer o seu traballo: os técnicos, os funcionarios, o mal tempo, a Xunta, o covid... todo se conxura contra él e nunca ten responsabilidade de nada.

Un goberno municipal non pode ser incapaz de xestionar un area recreativa ou licitar un chiringuito