Nos máis de 9 anos de goberno de Angel Alvariño é a primera vez que conseguimos que o goberno municipal consensúe e chegue a acordos co resto de de partidos da oposición sobre a declaración institucional polo 25 de novembro, Día Internacional da Eliminación da Violencia contra a Muller.

Este documento foi consensuado e aprobado por unanimidade na comisión de igualdade, foi dictaminado e pasou logo pola comisión de asuntos do pleno. 

Para a nosa sorpresa, un minuto antes do pleno, atopámonos con que o Partido Socialista, especificamente o sr. Angel Alvariño, non estaba de acordo co texto final e propoñían varios cambios. 

Parecenos gravísimo que o goberno municipal non sexa capaz de manter a súa palabra sobre acordos  que eles mesmos pactan.

E o peor de todo é que cando interpelamos á concelleira responsable desta área, Angeles Puentes, o alcalde impidelle falar, toma a palabra para dar unhas explicacións que non convencen a ninguén, quitándolle o dereito á dita concelleira de explicar a súa participación na comisión onde se acordou o texto . 

Máis tarde, e logo da intervención do alcalde, a  concelleira de igualdade tentou escudarse en motivos xurídicos para ter que variala, o cal supón unha clara mentira sobre o pactado na comisión que ela preside, polo tanto modificaron o acordado previamente sen ningún tipo de xustificación.

Reclamamos deste  goberno municipal 3 cousas:

1. Que a participación do resto de grupos políticos sexa real e non está farsa.
2. Reclamamos tamén que desapareza dunha vez por todas autoritarismo e o incumprimento das normas prestablecidas nos órganos de goberno.
3. Por último reclamamos que as comisións informativas ás que asistimos tódolos grupos políticos sexan un lugar no que se leve a cabo un traballo efectivo para mellorar o noso Concello de Neda e non unha farsa na que ao final os acordos  acaben sendo modificados polo rodillo do PSOE Neda