O pasado dia 2 de outubro tivo lugar na casa do Concello a #ComisionInformativa de Area de Educación, Cultura e Patrimonio Histórico. Publicamos as notas e informacion do falado nesta Comisión.

Asistiron Cristina Bouza polo Grupo Mixto (Presidencia da Comisión), Ana Rosa Pena polo PSOE e Juan Carlos Pita por MOVENEDA. A reunión deu comezo as 11:00 horas, sendo secretario Eulogio.

Os Populares de Neda, (Partido Popular) coma xa ven sendo habitual, fixeron deixadez das súas funcións e non asistiron á reunión.

Primeiro aprobouse a acta anterior de xuño de 2017, por unanimidade dos presentes, para, de seguido dar conta a Presidencia dos informes:

• Entrega un resumo económico da #FestaDoPan 2017.
• #ProgramaciónCultural Setembro/Outubro 2017
• Informa do número de alumnos do Colexio de #Maciñeira, un total de 93, San Isidro 111 e do IES 233, baixando o número do alumnado matriculado.
• Curso de #PrimeirosAuxilios nos Centros educativos. Vanse facer 2 en cada colexio (4º e 6º), e 1 no IES.
• Programas de #DinamizaciónLingüistica da xunta. O Concello asume o transporte dos alumnos de Maciñeira.

Outros temas dos que se informa:

• a seccion de Patrimonio infórmase que está en proceso a restauración do Mapa Fontán, tendo unha previsión de remate cara a fin do ano.
• Do Albergue: Renovouse o mobiliario, asumindo o gasto o Concello. Os colchóns e almofadas cambiounos o Consorcio do Camiño . Queda pendente o cambio de cortinas/estores.
• FestaDoPan2017. As actuacións que se suspenderon pola choiva: A do grupo Gramola Gominola, perdida por contrato. A de Faltriqueira, facerase antes de fin de ano.
• No asunto da Ruta Do Pincho. Informa que houbo 150 cartillas cubertas que participaron no sorteo, pero algúns establecemento chegaron a servir uns 300 pinchos.
• Estase a celebrar o programa Ler Conta Moito.
• Teatro. Tanto infantil como de adultos desde outubro ata decembro. No teatro de adultos (4 Rede Deputación / 3 teatro afeccionado)
• Magosto: Será o 28/10/2017
• Escola Teatro. Vanse poñer en funcionamento 2 grupos,  un de nenos e nenas (10 inscritos) e outro para adultos (9 inscritos)

Preguntas de MOVENEDA

Pola súa banda MOVENEDA trasladou as seguintes preguntas, moitas delas ainda pendentes de contestacion de Comisións e actas anteriores:

• Da Acta de 05/Xuño/2017: Cando se vai constituir o Consello Escolar Municipal? Será posible facelo no curso 2017-18? 
  Resposta: Pola cantidade de persoas ás que hai que convocar parece dífícil a convocatoria.
  
  
• Petición á Consellería da instalación dunha fonte de auga en San Isidro e dun novo portal no colexio de Maciñeira? 
  Resposta: De momento non, á espera da resposta da Consellería.
  
  
• Sobor das Rutas Sendeirismo do concello. Cando se vai a facer o marcado de novo? 
  Resposta: Aínda nada.
  
  
• Encontro Concellos no Camiño de Betanzos. Figura na acta da comisión de xuño que tería custe 0 para o concello, nembargantes na acta de X.G. de 08/05/2017 figura un pago de 425,66 € a Panadería LaNueva por EMPANADAS E BOLOS ACTOS CAMIÑO INGLÉS BETANZOS) e outro pago por transporte a Betanzos da Rondalla.
  Faise cargo a Deputación tamén? 
  Resposta: Non, isto o asume o Concello
  
  
• Guía para os pelegríns que pasan por Neda, con locais de hostalería e sitios que visitar.? 
  Resposta: Aínda non.
  
  
• Folleto/catálogo informativo de lugares de interés do concello? 
  Resposta: Aínda non.
  
  
• Da acta de 30/01/2017:
  Colexio de Maciñeira: Solicitaron o arranxo da reixa de peche xa que está estropeada en varios puntos. Reparación do parque infantil. Colocación de portais automáticos de acceso ó centro. Melloras nas aulas de infantil. Reparación da caldeira feita pola Xunta que está dando problemas (tratarán de que veña a empresa que fixo a reparación a subsanar o tema). 
  Resposta: A reixa amañouna o Concello, o resto aínda en espera de contestación.
  
  
• Milloras na sinalización da Senda do Belelle. 
  Resposta: Limpouse para a Rota de sendeirismo.
  
  
• Mercouse a cadeira adaptada para a ducha do albergue? 
  Resposta: De momento non.
  
  
• Subsanación por parte da Xunta das peticións feitas polas Direccións dos Centros a finais de 2015 e das que polo momento non temos constancia de se se fixo algo ó respecto. 
  Resposta en xuño: Descoñecía o tema. 
  Resposta en outubro: Polo momento non ten novas.
  
  
• Solicitaronse as seguintes axudas da Xunta? 
  Resposta: NON
  
  
• Fondos de compensación ambiental: “Paseos, áreas recreativas e rotas de sendeirismo, accesibilidade e sinalización de recursos turísticos. Marcación de rotas de sendeirismo e miradoiros"

Outros temas tratados anteriormente cando era concelleira Helena Pardo.

• Proposta dun certame de Conta contos, no que se amosara interesada, pero a data de hoxe non volvimos a falar do tema. 
  Resposta da conselleira Cristina Bouza: Non sabía nada do tema, pero parecelle interesante a proposta.
  
  
• Preguntamos pola xestion e actualización da páxina web TurismoDeNeda.org? 
  Resposta: Se actualiza en algún momento, pero bastante pobres os contidos.

Remata a Comisión ás 11:30 h

Todos os documentos referidos neste informe estan a disposicion dos veciños que o soliciten. Tamen calquera aclaracion dubida ou comentario, podedes contactar con MOVENEDA nos cauces habituais.