Tiveron que moverse os mariscadores, anunciando a Cofradía de Barallobre que vai iniciar accións legais contra o Concello de Neda, para que o alcalde Alvariño por fin fale publicamente dun dos meirandes problemas deste concello: o saneamento. Un problema polo que este concello recibe cuantiosas multas continuamente. Cartos dos veciños que se despilfarran en pagar multas no canto de tomar medidas axeitadas. Son xa dez anos sen traballar para dar solución este problema.

Os concelleiros de MOVENEDA preguntaron dúcias de veces para saber exactamente que se estaba a facer con este problema. Sempre recibimos como contestación vaguedades e excusas. É sorprendente que o alcalde anuncie agora que xa ten redactado un Plan de Saneamiento Municipal que aposta pola conexión da rede municipal coa EDAR de Prioriño. De ser certo que existe ese plan, este nunca foi presentado as forzas da oposicion nin publicamente ós veciños.

Como pasa sempre, PSOE e o PP andan a xogar botandose as culpas uns a outros. Pesan máis as suas guerras partidistas e electoralistas. Mentres andan entretidos discutindo Concello e Xunta, o saneamento segue sen facer, temos a ría contaminada e os mariscadores ven o seu medio de vida arruinado.

MOVENEDA DI BASTA, XA ABONDA DE ELECTORALISMO: QUEREMOS PROPOSTAS E DECISIONS

Dende MOVENEDA esiximos a PP e PSOE que se deixen de electoralismo e de darse codazos por sair nas fotos. Esiximos que se poñan máns a obra, que nos informen aos veciños e os mariscadores das propostas e das decisions que se va tomar.

A Xunta ten que poñer os cartos e o alcalde ten que poñerse a traballar. Para iso cobra. 

Isto deberia estar xa feito hai moitos anos. En que perdeu Alvariño o tempo estes dez anos??

Comunicado de prensa de MOVENEDA