Como é tradición dende os gobernos de Feijoó, Rueda e o PP entregan nestas datas un "aguinaldo" á prensa. Son case dous millóns de euros de cartos públicos practicamente a dedo, en subvencións en "réxime de concorrencia non competitiva". 

Isto quere dicir que toda empresa que cumpla os requisitos ten dereito a cacho, repartido segundo "criterios obxectivos"  como difusión, uso do gallego o contido relacionado con Galicia. Os agraciados por esta pedrea de cartos públicos son empresas da prensa escrita, medios dixitais e emisoras de radio. Todo empresas privadas.

As "condicions" da subvención que fixa o goberno do PP están especialmente deseñadas para excluir das axudas aos medios "non son da corda do PP" como Praza.gal ou Nós Diario, que publica só en galego.

A prensa en papel é a que mais tallada leva, 1.255.000 € que se reparte asi:

• LA VOZ DE GALICIA (LA VOZ DE GALICIA, S.A.): 543.969,02 €
• FARO DE VIGO (FARO DE VIGO, S.A.): 221.517,65 €
• EL PROGRESO (EL PROGRESO DE LUGO, S.L.): 143.616,96 €
• LA REGIÓN (LA REGIÓN, S.A.): 123.254,90 €
• DIARIO DE PONTEVEDRA (LÉREZ EDICIONES, S.L.): 70.633,24 €

Adicados ós medios dixitais, a Xunta reparte un total de 454.260,41 € onde os que máis reciben son:

• La Voz de Galicia (La Voz de Galicia, S.A.): 237.641,63 €
• Faro de Vigo (Faro de Vigo, S.A.U.): 82.639,08 €
• El Progreso (El Progreso de Lugo, S.L.): 26.619,38 €
• La Opinión de A Coruña (La Opinión de La Coruña, S.L.U.): 24.366,12 €
• La Región (La Región, S.A.): 17.392,59 €

O PP non é o unico goberno que merca un trato de favor da prensa

Outro exemplo destas prácticas para mercar un trato de favor é o Concello de Neda, que oculta baixo a excusa de campañas de publicidade institucional o que realmente é propaganda electoralista, partidista e personalista. Por exemplo, Neda pagou á La Voz de Galicia as seguintes cantidades:

• 2019: 7.712€
• 2020: 6.120€
• 2021: 4.537€
• 2022 (incompleto): 2.668€

Aparte, Radio Voz recibiu nestes catro anos un total de 3.596€. Isto fai un total de 24.623€ so na Voz de Galicia. Por poñer en contraste, o goberno de Neda so invertiu 13.000 euros en axudar a autónomos e empresas de Neda afectadas polo COVID.

O carto público non pode financiar medios de comunicacion privados

As subvencións con diñeiro público a medios privados deturpan a independencia informativa e corrompen a democracia: crean dependencia do poder, favorecen a quen xa é grande, reducen o pluralismo político e fomentan o caciquismo e o clientelismo. Os cartos públicos debe garantir medios públicos fortes, non rescatar negocios privados.