Hoxe soupemos pola prensa que esta prevista unha reunión da Xunta de Portavoces dos grupos municipais para este vindeiro venres 22 de agosto. Nada como a presión para que o alcalde faga o que xa deberia ser normal, ante un asunto grave como o corte da auga: informar e dar explicacións.

Este é o primeiro paso da lista de esixencias de MOVENEDA: o seguinte é que o alcalde informe ós veciños afectados e se tomen medidas. Segundo o anunciado, esta segunda asamblea sera despois de recibir o informe encargado a VIAQUA. Este venres preguntaremos o alcalde cando estima que estara listo ese informe.

Moveneda propón o seguinte

• Que cando aconteza un incidente así o Concello inforne diariamente ós veciños da situación. Que inforne por radio, prensa, redes sociais e nos paneis do concello.
• Que no teléfono de información do concello conteste alguén.
• Que mentres dure unha avería como esta, o Concello proporcione auga por outros medios aos veciños e negocios que así o soliciten
• O desconto proporcional dos días sen servizo na factura da auga a tódolos veciños.
• Unha comisión informativa onde o alcalde, o concelleiro de servizos den cumpridas explicacións a os grupos da oposición.
• A elaboración e posta en marcha dun protocolo de vixiancia e mantenentos periódicos do sistema de suministro de auga.
• Que o alcalde deixe de agochar ós veciños o contrato de viaqua... ou teremos que recorrer á valedora do pobo para que inste ó Concello facilitar as información por 5ª vez

Con este ultimo incidente da auga, quedou claro que o goberno de Alvariño é unha enorme máquina de non facer nada. Non facer nada e o seu traballo. Todo vai ben mentres outros lles fan o traballo. Os presupostos do concello? Os fai un administrativo. Problemas legais? Subcontratamos un abogado. Facer propaganda? Contratamos un periodista. Unhas festas? Subcontratadas. A xestión da auga? Subcontratada a Viaqua. O concello é una enorme subcontrata e cando chegan os problemas ninguén sabe de nada, ninguén sabe que facer e ninguén da a cara. 

O alcalde, que sempre está rápido para saír na foto, botou tres días desaparecido como a auga de Neda.