Así o publica hoxe o Diario de Ferrol, que recolle as "explicacións" da Xunta de Galicia ante os dous meses de paralización e retraso nas obras da nova rotonda na intersección das estradas AC-862 e AC-115, en Xuvia.

Segundo as excusas da Xunta, foron "as choivas as que paralizaron as obras da rotonda", que impediron "traballar no terreo con garantías" e que por iso levan sen actividade dende decembro.

A obra arrancou coa habitual fanfarria propagandistica no mes agosto, cun prazo de execución de cinco meses e xa acumula dous de retraso.

FALLA DE PREVISION

A paralización das obras pon de manifesto a falta de previsión e planificación. Non é admisible que actuacións anunciadas como "prioritarias" queden bloqueadas durante meses, xerando molestias á veciñanza e, por riba, sen dar explicacións. Dende MOVENEDA consideramos imprescindible unha planificación máis rigorosa e responsable das obras públicas, garantindo que os proxectos se executen en prazo e con garantías, evitando os prexuicios á cidadanía.

PASO DE PEONS NO POULO: CATRO ANOS DE ESPERA

Mentres se destinan recursos a unha obra que ninguén pediu, segue pendente unha dotación fundamental para a seguridade viaria: o paso de peóns do Poulo, reclamado polos veciños e veciñas dende hai anos, especialmente para garantir a seguridade dos viandantes e dos cativos. Esta actuación, na que están implicados tanto a Xunta de Galicia como o Goberno de Neda, acumula xa un atraso de máis de catro anos, sen avances reais nin prazos definidos.

Dende MOVENEDA esiximos a ambalasdúas administracións que se deixen de excusas e se poñan xa a traballar pola seguridade dos veciños antes de que aconteza unha desgraza.