Recomendación dirixida ao Concello de Neda para que proceda a maior brevidade a declaración de nulidade da inscrición padronal, e a baixa de oficio por inscrición indebida

Por todo o sinalado ata agora considerase necesario, en aplicación do disposto no artigo 32.1 da Lei 6/1984, do 5 de xuño, do Valedor do Pobo, facer chegar a ese órgano municipal a seguinte recomendación:

Que o Concello de Neda proceda a maior brevidade a declaración de nulidade da inscrición padronal, e a baixa de oficio por inscrición indebida, ao abeiro dos artigos 72 e 54.2 do Regulamento de Poboación e Demarcación Territorial das Entidades Locais.

Agradézolle de antemán a acollida ao manifestado nesta resolución do Valedor do Pobo, e recórdolle a necesidade de que no prazo dun mes (art. 32.2), dea conta a esta Institución da aceptación da recomendación formulada, de ser o caso, e das medidas adoptadas para darlle efectividade, tamén se é o caso.

Ademais, facémoslle saber que, en aplicación do principio de transparencia, a partir da semana seguinte á data na que se ditou a presente resolución, esta incluirase na páxina web da institución.

Se non obtivese unha xustificación adecuada, incluirá tal asunto no seu informe anual ou especial con mención dos nomes das autoridades ou funcionarios que persistan naquela actitude, especialmente nos casos en que, considerando o Valedor do Pobo que era posible unha solución positiva, esta non se conseguise.

O principio de publicidade das resolucións desta institución refórzase no artigo 37 da Lei 6/1984, cando prevé que o Valedor do Pobo, no seu informe anual ao Parlamento de Galicia, dará conta do número e tipos de queixa presentadas; daquelas que foron rexeitadas e as súas causas, así como das que foron obxecto de investigación e o seu resultado, con
especificación das suxestións ou recomendacións admitidas pola administración pública galega.

Saúdoo atentamente.
Milagros María Otero Parga
Valedora do Pobo